GEGURITAN

Geguritan asale saka tembung lingga “gurit” kang ateges : kidung utawa tulisan kang awujud tatahan. dene geguritan nduweni teges : rumpakan mawa basa jawa kang isine ngenani wedharing gagasan panuneg-uneg saka njeroning ati panggaite kang nuduhake rasa susah,bungah,marem,kuciwa, lsp serta nduweni paugeran kang gumathok, yaiku :

1.      Caching gatrane ora tartamtu .

2.      Saben-saben gatrane aguru wilangan lan aguru lagu

Nanging ana geguritan kang surasane gatra sijin lan sijine ora runtut/or ana gegayutane , nanging mburu guru swarane utawa tembung-tembunge kang endah .

Ana 2 cara kanggo ngapersiasi geguritan yaiku :

1.      Kanthi cara langsung

2.      Kanthi cara ora langsung

Kanthi cara langsung yaiku ngananke kagiyatan maca, mngerteni isine banjur ngrasakake isine geguritan.

Kanthi cara ora langsung yaiku nynaoni teori sastra utawa maca wacana kang ana gegayutane karo geguritan .

Babagan/unsure sing ana ing njero geguritan yaiku :

1.      Purwakanti swara

2.      Tembung-tembung pilihan

3.      Larik/baris

4.      Pada

Kegiyatan maca geguritan iku ngapresiasi geguritan kanthi cara langsung , mula supaya maca geguritan iku kepenak dirungokake vocal/swara kang apik, ekspresi,lan penghayatan .

RON GARING
 Wengi sansaya atis

nalika aku sesingidan ing sajroning swara gamelan

kang digawa dening angin



prasasat tan kendhat

anggonku kulak warta adol prungu

ananging isih mamring


aku wis pingin cecaketan

obormu kang makantar-kantar

madhangi jangkah lan jagatku


ana ngendi papanmu

lelana tapa brata

tanpa pawarta tanpa swara


aku kadya ron garing

kumleyang kabur kanginan

ing jagat peteng lelimengan


krasa luwih abot

anggonku ngadhepi dina-dina ing ngarep

mlakuku ora mantep



kagubet ribet lan ruwet

adoh saka cahyamu

pedhut ing sakindering pandulu



panjenengan

guruku, sihku, oborku

kancanana sukmaku sinau bab katresnan sajroning ati.

Pitakon

1.      Apa irah-irahane geguritan ing nduwur?

2.      Apa kang di arani geguritan?

3.      Ana piro titikan geguritan gagrag anyar?

4.      Geguritan nduweni paugeran kang gumathok,yaiku?

5.      Ana pirang cara kanggo ngapresiasi geguritan,apa wae?

6.      Jelaske kanthi cara langsung lan cara ora langsung?

7.      Apa wae babagan/unsur sing ana ing njero geguritan?

8.      Apa kang diarani guru lagu?

9.      Apa kang diarani guru wilangan?

10.  Apa kang diarani guru gatra?

Jawaban

1.      RON GARING

2.      Geguritan iku puisi jawa gagrag anyar (puisi modern)

3.      4

4.      Caching gatrane ora tartamtu, Saben-saben gatrane aguru wilangan lan aguru lagu

5.      2, Kanthi cara langsung, Kanthi cara ora langsung

6.      Kanthi cara langsung yaiku ngananke kagiyatan maca, mngerteni isine banjur ngrasakake isine geguritan, Kanthi cara ora langsung yaiku nynaoni teori sastra utawa maca wacana kang ana gegayutane karo geguritan .

7.      Purwakanti swara, Tembung-tembung pilihan, Larik/baris, Pada

8.      Tibaning swara ing pungkasaning gatra

9.      Cacahing wanda saben sagatra

10.  Cacahing gatra saben sapada

Geguritan

Contoh :

Kelasku

Saben dina daksaba daksapu

Bangku meja tinata

Para siswa sumedya

Sinau

Amrih dadi bocah kang landhep pikire

Jembar kawruhe

Tan ana kang kuciwa

Tan ana kang sambat

Pinaringan tugas PR akehe ora mekakat

Ora ana kang dawa tangane

Ora ana kang gedhe endhase

Wiwit saka omah gedhong gubug penceng pinggir kali

Kabeh nyawiji

ngangsu kawruh nggayuh impen sundhul langit

gawe arum lan kuncara asma wong tuwa lan nagara

dadi kembang lambe lan kusumaning bangsa

kawiwitan saka klasku

UJI KOMPETENSI

1.       apa kang diarani geguritan iku?

a.       Pitakonan

b.      Kasusastraan

c.       Bedek-bedekan

d.      Pantun

e.      Puisi

2.       ing ngisor iki titikane geguritan gagrag anyar kecuali?

a.       Cekak aos

b.      Ukarane prasaja lan gampang di mengrti

c.       Ukarane keiket ing wewaton

d.      Kaedahan basa ningunakake  seselan, dwipurwa,purwakanthi,lan paribasan

e.      Ukara ora keiket ing wewaton

3.       minurut isine geguritan ”kerukunan” kerukunan iku titikane?

a.       Genti genten menehi kalodhangan lagu

b.      Tansah mlebu metu bolongane grana

c.       Saben wong ndweni jelibahan kang beda

d.      Endahing wirama lagu kang kepenak

e.      Bisa nampa sapadha-padha najan bedha

Eklasna

Eklasno aku lungo biyung

Sanadya ing dhuwur langite katon mendung

Eklasno aku lungo bapa

Lungaku sangu ati lapis waja

Ora perlu panjenengan galih

Ing paran aku ora bakal mati amarga ngelih

......................................

4.       isine geguritan ing dhuwur yoiku?

a.       Wis ora kuwat meneh amergo loro

b.      Bocah enom kang bingung arep lungo

c.       Pamit arep budal sekolah

d.      Pamit arep golek pakaryan

e.      Rasa sedih ninggalke wong tua

5.       lungane bocah enom iku?

a.       Kanthi rasa kwatir

b.      Kanthi rasa bunga

c.       Kanthi rasa sedih ninggal kebone

d.      Kanthi tekat kang gedhe serta mantep

e.      Kanthi rasa gembira kebab pengarep-arep

6.       ”sanadya ing ndhuwur langit katon mendung” ateges?

a.       Mratelakake yen nalika iku mangsa rendeng

b.      Yen kaanane ora sarwa gampang

c.       Yen nalika iku arep udan

d.      Yen bocah kuwi arep nangis

e.      Yen sedih ninggal wong tuwa

7.       becek ketitik ala ketara, ukara iki kelebu

a.       saloka

b.      bebasan

c.       paribasan

d.      wangsalan

e.      parikan

8.       ing ngisor iki sen mlebet ing geguritan kecuali?

a.       Purwakanthi

b.      Paribasan

c.       Bebasan

d.      Seselan

e.      Dwipurwa

9.       yen ora jujur bakal ajur, ukara iki kelebu?

a.       Purwakanthi

b.      Seselan

c.       Dwipurwa

d.      Paribasan

e.      bebasan

10.   tangis-tetangis, ukara iki kelebu?

a.       Purwakanthi

b.      Seselan

c.       Dwipurwa

d.      Paribasan

e.      bebasan

SEMOGA BERMANFAAT